У Торъял рӱдӧ книгагудын пашаеҥже-влак – Советский книгагудышто
«Йӧратен, кажне еҥ шочмо вержым мокта» - тыгай сылне лӱман почеламут сборникым Людмила Градова У Торъял книгагудын пашаеҥже-влак полшымо дене шукерте огыл печатлен луктын. Людмила Юрьевна шкеже Куженер районышто шочын-кушкын, сандене икымше гана сылнымутшо, почеламут сборникше дене палымым ышташ йолташыже, лудшыжо-влакым Куженер рӱдӧ книгагудыш пагален ӱжын ыле. А 4 мартыште Людмила Градован сылнымут касше Советский рӱдӧ книгагудышто эртыш. Тышкат мемнам, У Торъял книгагудо пашаеҥ-влакым, пагален ӱжыч.
Тиде кечын авторын йӧратымаш, шочмо-кушмо вер, еш нерген чон гыч лекше почеламутшо-влак йоҥгалтыч, тудын почеламутшылан возымо мурыжо-влак ончышо-влакым куандарышт. Каласаш кӱлеш, Людмила Юрьевна почеламутшылан семымат шкеак пышта, сцена гоч сылне йӱкшӧ дене калык деке намиен шукта.
Людмила Юрьевна «Келшымаш кӱвар» фольклор ансамбльым, «Келшымаш» эстраде группым вуйлата, сандене книгагудыш шуко йолташыже-влак толыныт, шке творчествышт дене погынышо-влакым куандареныт.
Каласаш кӱлеш, Людмила Градован кажне почеламутшо поэтессе Нина Щербакован «шоктеже» вошт эртен, сандене Людмила Юрьевна ӱшанле йолташыжлан поэзий корныш шогалаш полшымыжлан чон гыч лекше таум ойлыш.
Людмила Градова У Торъял рӱдӧ книгагудын пашаеҥже-влаклан почеламут сборникым лукташ полшымылан: корректор сомылым шуктымылан, дизайн, вёрстко, печать пашам ыштымылын шокшын тауштыш да ончыкыжымат пырля пашам вораҥдарен колтымо шонымашым пеҥгыдемдыш.
А книгагудынан вуйлатышыже Л.А. Крюкова Людмила Градовалан да Советский книгагудо пашаеҥ-влаклан поро кумылыштлан тауштен, изирак шарнымаш пӧлек-влакым кучыктыш.
Тыгай мероприятий-влак район книгагудо-влак коклаште келшымашым пеҥгыдемдат, паша опыт дене ваш палдараш йӧным ыштат.
#Новоторъяльскийокруг #НовоторъяльскаяМодельнаяБиблиотека
#СвояБиблиотека
«Йӧратен, кажне еҥ шочмо вержым мокта» - тыгай сылне лӱман почеламут сборникым Людмила Градова У Торъял книгагудын пашаеҥже-влак полшымо дене шукерте огыл печатлен луктын. Людмила Юрьевна шкеже Куженер районышто шочын-кушкын, сандене икымше гана сылнымутшо, почеламут сборникше дене палымым ышташ йолташыже, лудшыжо-влакым Куженер рӱдӧ книгагудыш пагален ӱжын ыле. А 4 мартыште Людмила Градован сылнымут касше Советский рӱдӧ книгагудышто эртыш. Тышкат мемнам, У Торъял книгагудо пашаеҥ-влакым, пагален ӱжыч.
Тиде кечын авторын йӧратымаш, шочмо-кушмо вер, еш нерген чон гыч лекше почеламутшо-влак йоҥгалтыч, тудын почеламутшылан возымо мурыжо-влак ончышо-влакым куандарышт. Каласаш кӱлеш, Людмила Юрьевна почеламутшылан семымат шкеак пышта, сцена гоч сылне йӱкшӧ дене калык деке намиен шукта.
Людмила Юрьевна «Келшымаш кӱвар» фольклор ансамбльым, «Келшымаш» эстраде группым вуйлата, сандене книгагудыш шуко йолташыже-влак толыныт, шке творчествышт дене погынышо-влакым куандареныт.
Каласаш кӱлеш, Людмила Градован кажне почеламутшо поэтессе Нина Щербакован «шоктеже» вошт эртен, сандене Людмила Юрьевна ӱшанле йолташыжлан поэзий корныш шогалаш полшымыжлан чон гыч лекше таум ойлыш.
Людмила Градова У Торъял рӱдӧ книгагудын пашаеҥже-влаклан почеламут сборникым лукташ полшымылан: корректор сомылым шуктымылан, дизайн, вёрстко, печать пашам ыштымылын шокшын тауштыш да ончыкыжымат пырля пашам вораҥдарен колтымо шонымашым пеҥгыдемдыш.
А книгагудынан вуйлатышыже Л.А. Крюкова Людмила Градовалан да Советский книгагудо пашаеҥ-влаклан поро кумылыштлан тауштен, изирак шарнымаш пӧлек-влакым кучыктыш.
Тыгай мероприятий-влак район книгагудо-влак коклаште келшымашым пеҥгыдемдат, паша опыт дене ваш палдараш йӧным ыштат.
#Новоторъяльскийокруг #НовоторъяльскаяМодельнаяБиблиотека
#СвояБиблиотека
184